Livanıjə medya: İroni zumandəti Trampış bə dumo nıştey vudorış karde

Qıləy Livanjə medya, İroni İslomiyə Respublikə zumandətiş bə Trampi bə dumo nıştey amil bə Tehroni ələyh ıştə hərbiyə təhdidi icro kardeyku vəsfış karde.

Əl-Əhd xəbə sayt nıvıştışe: İroni zumandətiku İroni tars və bə Amerkə harcurnə hərbi təcavuz ın kişvəri cəvob Trampış bə dumo nıştey vudorış karde.ın raportdə oməy ki, İroni İslomiyə respublikə zumandə qətə mevğe sayədə və bə amerkə təcuvuzkorəti ğətiyə cəvubi doeyo ın kişvəri rəsmi şəxson elon kardey, Trampi zinə sıbi ıştə hərbiyə təcavuziku bə dumo nışte və votışe: de bə İron hucum bardey ləğv kardey mıvafığətış kardə. In raporti dəvomədə oməy ki, Tramp eyni holədə bo ın soxtə sıviku viteyo iddioş kardə ki, hərbiyə təcəvuziku bə dumo nıştey de İron və Asiya ğərbi co qılə kişvəron tələbi əsos bıə.