Yəməni ləşkəri Səudiyyə Ərəbıstoni natə tankeronış bə hədəf seyə

Pars Tudey-Yəməni silohinə ğıvvon sıxanəvot Sıə dıyoədə çı Səudiyyə Ərəbıstoni natə tankeron de ballistikə raketi bə hədəf seyış elon kardə.

Pars Tudey bə Təsnim xəbə aqentəti istinodən doə məlumoti əsos,Yəməni silohinə ğıvvon sıxanəvot Yəhya Səri seşambə ruji doə ıştə bəyonotədə çın kişfəri silohinə ğıvvon,bo Səudiyyə Ərəbıstoni kəştiromey ğədəğən kardey və "mıhosirə bə mıhosirə ələyh" modilə icod kardey ğərori bob,kişfəri silohinə ğıvvon Sıə dıyo şimolədə və "Yənbu" məntəğə vədə bıə çı Səudiyyə Ərəbıstoni "Bəfo" natə tankerış de çandə qılə ballistikə raketi bə hədəf sey və de Xıdo lutfi hədəfi dəğiğ jeyış bəyon kardə.