De siyonist rejimi hərbion qulləon vasitə 2 qılə Fələstinıj zəxmin bıən.

Siyonist rejimi hərbion 2 qılə Fələstinıjə cəvoni zəxmi kardışone.

Bə Fələstin dıvlətiyə aqentiyəti raporti əsos siyonist rejimi hərbion Ramullahədə bə Deyr Əbuməşəl nomo bıə di hucumi cərəyondə 2 qılə Fələstinıjə cəvoni de qulə zəxmi kardışone.

Siyonist rejimi hərbion de kəon qarde ijən bə Yardaniya ru sahilədə bıə Fələstini sərzəmini co məntəğəon hucum karde cərəyondə çandə Fələstini əholi dəstqirışon kardə.

Eyin holədə siyonist rejimi hərbion bə Şərifə Ğudsi ğədimiyə məntəğəon daxil bey xoto bə Fələstini əholi icozə doəşon ni, hətto mağazaonədə ko bıkə kəson həm be ko mandən.

Çı Fələstini insonə həxon mudafiə əkə mərkəz həm bə siyonist rejimi tojə cinoyət və məhdudiyəton reaksiya nışo doe xoto i bıə milləton təşkilatiku tələbış kardə ki bə ğeyri hərbion himoyədorti bıkə.

Har sor de mubarək Rujə manqi oxonə cumə ruj Ğuds beynəl xalğiyə ruji rəse həmzəman jıqo bə Fələstinıjon əleyh məhdudiyəton vey bıdə.

Im haftə cumə ruj çı Ğuds beynəl xalğiyə ruje.