İnğılobi Rəhbər:İroni dışmenon sardə osonon kuyedən.

İnğılobi Rəhbər:İroni dışmenon sardə osonon kuyedən.

İnğılobi Rəhbər:İroni dışmenon sardə osonon kuyedən.

İnğılobi Rəhbəri de i qrup həmvətənon,hərbi komandiron və nuvə alimon şəhodəti munasibəti doə mesajədə bəyonış kardə ki,çe İroni səfeh və diyəro nıvində dışmenon bəştə məğsədon noyil nıbin və fəğət bə sardə osoni kuyedən.

İnğılobi Ali Rəhbəri mesaji mətn jıqo dərc bıə:

De Mərhəmətin və Rəhminə Xıdo nomi! Ha İroni səbarzə xalğ ha!Çəvon miyono sərıştəynə hərbi komandiron və barzə nuvə alimon həm bıə i qrup azizə şəhrvandon şəhid bey çılminə ruj ome rəse.

In zərbə çe İroni mərdumi rəzil və inodkorə dışmen bıə şər və cinoyətkorə seonist hakimə qrupi jeşe.

Şubhə ni ki,bənə şəhid Bağıri,Səlomi,Rəşid,Hocizodə,Şadmoni bıə komandiron və diqər hərbi kadron və bənə şəhidon Tehronçi,Əbbosi bıə alimon və co alimon nıbey bo har qıləy xalğiro sanqine.

Əmmo beməxə iyən diyəro nıvində dışmen bəştə hədəfon nırəse.

Ayəndə nışon bədoe ki,həm hərbi,həmən elmi hərəkoton,inşallah,de bəsə navkonəsə veyə surəti bə barzə ufuğon səmt bənav bəşe.

Çəmə şəhidon ıştən həm de bə barzə şəhodəti dərəcə rəsey imkoni pur qıləy roşon vıjniyə və nəhoyət,bəştə oruzu kardə həmmə fədokorəti noyil bıən;nuş bıbu boəvon;lakin çəy norohətçəti bo İroni milləti,xususən həm şəhidə xıyzonon və məxsusən boəvoni neziku zınəkəon vey saxt,tel və qone.

Bın hodisədə bəzi dəvəşə noxtəon həm oşko vindey bəbe.

Əvvəla,bə əməl omə hodisəonədə bəyji mandə kəson tovinəti,səbr və mətonət,ıştə nevədə ğərəz İron İslom Respublikadə hodisəon co qıləy vıərədə vindey bıəni.

Dıminə qıləyni,bə ım qonə zərbə imkon nıodə şəhidon tabeçətiyədə bıə aparaton dəyonət və sabitəti imkonon məhrum kardedə və hərəkətondə fosilə icod kardedə.

Seminə qıləyni,İroni milləti vəhdət və mənəvi zuyədə zuhur kardə mecuzəvi sabitəti şehrət və çəvon meydonədə vəhdətədə mandey əzme.

Bın hodisədə İslomi İron ıştə bınə mehkəmətiş ijən həm numayiş karde.

İroni dışmenon sardə zərbəon kuyedən.

İslomi İron inşallah rujbə-ruj zumand bəbe.

In həyğətiku və çəy bəçəmə duşi noə vəzifəonku çəmə ğafil nıbey vocibe.

Milli ibemoni muhafizə çəmə har qıləyni vəzifəy.

Elm və texnoloqiya qırd sahəonədə inkişofi zəruri surət doey çe elmi elita vəzifəy.

Kişfəri,milləti şərəf,ləyoğəti xandi kardey çe natiğon,ənıvışton ciddiyə vəzifəy.

Kişfəri milli əmniyyəti və mıstəğiləti muhafizəro de vositəon təchiz kardey çe hərbi komandiron vəzifəy.

Ciddiyyət,təğib və kişfəri koon bə qıləy nəticə rosney çe qırd məsul icro strukturon vəzifəy.

Mənəvi hidoyət,ğəlbon nuroni kardey,bə insonon səbrin bey,sakit və tovinəti bey tevsiyə kardey çe ruhaniyon və İnğılobi şevğ və şuuru muhafizə çəmə həmmə qıləyni,xususən həm çe cıvonon vəzifəy.

Əziz,Rəhminə Xıdo bo həmmə kəson  səbarzəti nəsib bıko.Səlom bıbu bə İroni milləti,səlom bıbu bə şəhidə cıvonon,bə şəhidə jenon və bə hırdəon,bə həmmə şəhidon və bəçəvon doğ vində kəson.