İrağçi: dınyo tarix Yəmənədə Ərəbistoni cinoyəton çı yodo benibəkay.

Niyoyorkədə bıə İslamiyə Həmkari Təşkilati iclosədə İroni nımoyəndə bə Ərəbistoni ittihamon cəvobış do.

İroni xarıci vəziri muavin Əbbas İrağçi zinə şəv İ bıə Milləton Təşkilati umumiyə iclosi kənoədə İslamiyə Həmkari Liqa iclosi cərəyonədə bə Ərəbistoni rəsmi şəxson ittihamon reaksiya nışoş do ijən votışe: tarix Yəmənədə Ərəbistoni cinoyəton ijən çandə jenon, hırdənon və məzlumon ğətliami çı yodo benibəkay.

Bəşər Həxon Diyə əkə Təşkilati icraiyə mudir həm çımiku bənav Yəmənədə Ərəbistoni cinoyəton dəvom peydo karde barədə çı bıə milləton təşkilati sukutiku tənğidış kardə be.

Kont Ras votış: har ruj vey ğeyri hərbi Ərəbistoni həvoiyə huccumonədə ğətliam bedən və Yəmənədə noəmnion və xorəki cəhətiku problemon vey xətərnok noxəştion bois bıə.

Ali-Səud rejim de Amerkə, İ bıə Ərəbon Əmirəti və bəzi co kişvəron himoyəon 2015 sori Martiku bə Yəmən huccum kardışone ijən ım kişvəri deyo, zəmin və həvo tərəfiku mıhosirəşon kardən.

13 həzo nəfər detos bə ısət Yəmənədə de Ərəbistoni cinoyəton vasitə kıştə bən.