Səudiyyə Ərəbıstoni hərbiyə təyyarəon bə yəmənı can qılə ostani hucum.
Bə yəmənı zid Səudiyyə Ərəbıstoni hərbiyə təyyarəon hucumon dəvomədə 4 şanbə ruji həm Səudiyyə rejimi hərbiyə təyyarəon bə ım məmləkəti bəzi məntəğon hucum bardən.
Bə telerədyo aqentəti xəbon əsosi Səudiyyə Ərəbıstoni hərbiyə təyyarəon bə Həccə ostani Hərəz və Midi iyən Şəboh ostanədə bə Əsilan məntəğə hucum bardən.
nəcranədə həm bə Əlşərəfə iyən Əlşəbəkə məntəğon iyən cizanədə bə Haməzə həvoiyə hucum təşkil bə.
insoniyə tələfat iyən imkon bə ziyanonku heç qıləy xəbə nəşr bə ni.
bə əmniyyətiyə mənbəon elanon əsosi yəmənı paytəxt Səna bəzi məntəğon həm zinə bə Səudiyyə Ərəbıstoni hərbiyə təyyarəon hucumon şohid bən.
cotərəfədə yəmənı milləti tərəfo təşkil bə komitəon uzvon Şəboh və Mareb ostanonədə Səudiyyə Ərəbıstoni 9 qılə muzdori bə həlokət rosnedən.
