İraği Əlcəzirə məntəğədə ozod əkə əməliyaton bino bıə.

Çı İraği 3 qılə ostanon Səlahoddin, Neynəva və Əl-Ənbari miyono bıə Əlcəzirə məntəğə pok karde əməliyat bino bıə.

Bə Əlaləm raporti əsos İraği hərbiyon mərkəziyə ğərorqoh elanış kardə: Çı İraği Əlcəzirə məntəğə pok karde iminə mərhələ ki 30 həzo kilomiter Səlahoddin, Neynəva və Əl-Ənbar ostanon miyono bıə biyobonon şomil bedə ımrujnə sıbiku de İraği dovtələbə ğıvvon, polis iyən aviyasia hərbiyon huzuri bino bıə.

Əlcəzirə nomo bıə səhro çı Səlahoddin ostani Əlsiniyə, Neynəva ostani Sıncar iyən Əl-Ənbari Əlhədisiyə məntəğon miyono bıə biyobone.

Suriyə cənobədə bıə Əlbukəmal iyən İraği Əl-Ənbariku Ravəh şəhri ozod bey bəpeştə ısət ijən DAEŞ bənə qıləy terrorçiyə təşkilat məntəğədə vırəş ni iyən çəy həyat bə oxo rəsə.