Ərəbiston ijən bə Livani Hizbullah zidd beəsosə iddiyaon tikrorış kardə.

De Livani Hizbullah deşmənti karde iyən Livani kişvəri dexıli mıvzoonədə mıdoxilə karde siyasəti dəvomədə Ərəbistoni xarıci vəzir ijən Livani Hizbullah mığovimətiyə qrupi tərke siloh karde tələbış kardə.

Bə Russiyə spotnik aqentiyəti raporti əsos Adil-Əlcobəyr zinə İtaliyaədə bıə Miyonə Dıyo votımonon iclosədə iddiyaş kardə: Livan bə inkişof iyən ozavziye rəseyro bəbe Hizbullah qrupi be siloh bıkə.

Im idio qıləy şərayetədə bəyon bedə ki Livani prezident Mişel On tojədən elanış kardə ki Hizbullah be siloh ni bəbe boçi ki siyonist rejimi təcavozkaranə hərəkəton vədə ım siloh çı Livani əmniyyəti qarantiya və təmin əkəy əv həm qıləy şərayet ki Livani sərzəmin hejo siyonist rejimi tərəfo işğal bıə.

Livani Hizbullah qrup çın kişvəri i minə vəzir Səəd Həriri istifo doe bəpeştə elanış kardə ki Ərəbistoni hədəf ım qrupi vırə iyən roli əvəz karde heste.

Səəd Həriri Noyabri 4 Ərəbistonədə rəsmən ıştə istifoş elan kardə.