Velayəti: Suriyə və İrağədə Amerkə tojə bohranon bino karde dumoədəy.
Beynəl xalğ sahədə İroni Yolə Rəhbəri məxsusə məslehətçi bə Amerkə deşmənçiyə siyasəton iyən de zu ıştə siyasəton dəvom doe işorəş kardə ijən votışe: Amerkə ijən Suriyə və İrağədə xusosi Rığə şəhrədə tojə bohranon bino karde dumoədəy.
Əli Əkbər Velayəti bə Təsnim aqentiyəti votışe: ijən məntəğədə bo Amerkə hərbion huzuri bo hıç bəhonəi ni əmmo Amerkə bəbe oğo bıbu ki bə istikbar vabəstə bıə mızdoron ijən məntəğədə tojə bohranon icod karde xoto zoşon ni və bə Amerkə vabəstə bıə qrupon bənə Amerkə bəbe məntəğəku xaric bıbun və əqə jıqo məbu Suriyə millət və dıvlətdə mığovimətiyə qrupon bə i co de be abro həyo əkə vəziyəti işğal bıə əraziku Amerkə hərbion xaric bəkan.
Əli Əkbər Velayəti çı Amerkə səfarətxanə Telaviviku bə Ğuds oştoniyə barədə Trampi ğəroli məhkumış kardə və ım hərəkəti çı islam dınyo milləton Hussein və etığadon otəşi rost əkə hisob karde bə kəno votışe: Amerkə bəbe oğo bıbu ki çımi bəpeştə mısılmonon, Fələstinjon ijən Fələstini peştədə mande qrupon siyonist rejim və bəy vasbəstə bıə həmpeymonon siyasəton, hədəfon və məğsədon əməli bey icozə ni bədan.
