Ərəb keşfəron Ğəzzə de AİŞ xətti bərpo əleyhin

Ərəb keşfəron Ğəzzə tanqi de AİŞ eçıni bərpo karde əleyh və bımi vəsoit co nıkarde barədə Financial Times nəşri bə ıştə mənbon istinod məlumot doəşe.

Nəşr bə yod dəğandə ki, navədən AİŞ və İsraili məmuron, amerikə prezidenti zomo Cared Kuşnerən çəvon dılədə, Ğəzzə tanqi İsraili nəzorəti jiy bərpo karde eçınşon bə nav doə be. Əvon ımi bo fələstin əhali, HƏMAS administrasiya kontrolədə jiye pozitiv alternativ be iddio kardəşon be.De FT nəşri nıvıştəy, ərəb keşfəron bə Ğəzzə tanqi İsraili nəzorətədə bə hissə bərpo əleyh be səbəb, çəvon Ğəzzə pıtı-poə beku ehtiyot kardeye.Ərəb diplomati bə nəşri bəyonış kardə ki, ım Fələstin, Misir, Ğətər, Tırkiyə de AİŞ və İsraili və-vəvə bəno və hiç ərəb keşfər bın ko vəsoit co nibəka.Tramp hiyləqəre. Əy pidəşe ki, ərəbon bo əçe Ğəzzədə меqa-кorort ejəne sponsorəti bıkon, peşoən dе-fакtо İsraili tərəfo zəbt kardə bıbo.Bə ın koy ro əvon zəbt bə əraziyon ozod kardənin və əyo kardə tuməbır məsulyəti bə ıştə qiy peğətənin!