Pep Qvardiyolə,qıləy hınəsoyb iyən filosof.
Pep Qvardiyolə,qıləy hınəsoyb iyən filosof.
2016-ə siri dekabrə manqədə Mənçester Siti dı haftə dumo yənde ded qılə qoli ixtilofi məğlub bıəbe və İngilistoni rujnoməon məğalə nvıştə holədə bin ta bə Pep Qvardiyolə yod çəy ko saxt bıey dənon.
Bə"Varzeshe se" sayti məlumati əsos Bundesliqədə se kərə dumo yənde çempiyon bıey iyən se dəfə bə Çempiyonon Liqə nimə final hənəki beşey bəpeştə,çı Bayern klubi mudiron çəşədə həni şovği nıvində Qvardiyolə, nəhoyətən bəştə kanə duston yəni bə Taksiki Begirstayn iyən Fran Suryano təklifi mısbətə cəvobış doe iyən Mənçester Siti klubi sərverdətiş bəştə ohdəş peqəte.
Çəy 7 sornə sərməşçəti devron de etat-petati pure.əmmo Pepi tənğıd əkəyon hejo bəy əy mızəmmət kardero qıləy bəhonə vardedən.sıftədə votedəbin ki,çı Barsa səbarzətiyon bə seqlə fitbolist yəni Messi,İniyesta iyən Javi xotoye.çən,peşo Bayern Munixədə beyədə həm voteşone ki,har qıləy trener iyo çampiyon bıey bəzne.
Hətto 2016-17-ə sori Pep de 6 qılə ğələbə bino kardeyədə həm,vey şəxson voteşone ki,bəbe sori oxo çəşkəy və çoko ki,Mənçester Siti Kinq-Paverədə 2:4 bə lister Siti məğlub bin,İngilistoni qəzeton binoşon karde Pepi tənğıd kardey.Pep Qvardiyolə de mətbuat konfransi vositə çəyku dast nıkəşə ingilisə jurnaliston cəvobədə voteşe:"mı bə fitboliston qol jıeyro ıştəni ğandey umutedənim. az bəvon çokə hənək kardey umutedəm".
