Xuşro: çı Amerkə hakimon əxloği və siyasi səluhiyəti xıvand nin.
Zinə şəv i bıə milləton təşkilatədə İroni nımoyəndə İronədə dəvardə rujon iğtişoşon bəpeştə ijən de Amerkə fişari bərpo bıə Əmniyyət Şura iclosədə Amerkə əmniyyətiyə ğıvvon çoknə etıroz əkəyon sərkob karde bə yod vardə ijən votışe: dınyo umum iştimaiyəti fikonədə çı Amerkə hakimon vey faxte ki əxluği və siyasi səluhiyəti xıvand nin.
Bə İrna raporti əsos Ğolam Əli Xuşro təsdiğış kardə: insoni təəsufi bois bıdə ki Əmniyyət Şura bəzi ozvon muxalifəti sayədə qıləy iclos de Amerkə meyl bərpo bıdə ki Amerkə dıvləti sui-istifodəon kənoədə çı şura vəzifəon bə kəno mıvzoon bəhs bıdə və ım yəni Əmniyyət Şura ijən çı dınyo sulh və əmniyyəti təmin karde məsuliyətiku ğafil mandəy.
Xuşro təkidış kardə Əmniyyət Şura bəbe İroni daxıli mıvzoon əvəzi vey həğiğiyə mıvzooni bənə Fələstin sərzəmini işğal iyən Yəmənədə dəvardə 3 sori mıddətdə bombardımoni barədə ki çandə ğətliam, vəşianəti, noxəşəti iyən vironəon bois bıə suhbət bıkoy və hol ım ki ımrujnə iclos bə miyonə şərğ aide əmmo de təəsufi ım təşkilat həminə bohranon həl kardeku ociz mandəy.
İ bıə milləton təşkilatdə İroni nımoyəndə bə İroni daxıli mıvzoonədə Amerkə mıdoxiləon və cinoyəton əcumlə hərbiyə peqardımon, Sədam rejimiku mudafiə və himoyə karde və İroni mısoferiyə təyyarə sərneqon karde işorəş kardə və soalış kardə ki boçi Əmniyyət Şura çı Amerkə həminə mıdoxiləon barədə iclos bərpoş nıkardə.
Xuşro bə Amerkə dıvləti dəvardə soron repressivə hərəkəton Amerkədə çı Valistrit hərəkati, unniversiti tələbəon iyən Texaz şəhrədə etıroz aksiyaon etosniye ijən çandə cəmaəti kışte işorəş kardə və təkidış ka: hiç kəsi yodədə ni ki jıqonə repressivə hərəkəton iyən cinoyəton barədə xəbəon bə Əmniyyət Şura elan bıbu və ya xot çəy barde iclos ya bəhs bıbu.
Dəvarde haftə 5 şambə rujiku İroni bəzi şəhronədə cəmaət de aksiyaon bəzi puliyə muəssisəon vəziyəti mıəyyən nıbey, ərzağon boho bey ijən dıvləti nəzorəti zəifəti xoto etırozon bino kardən ki bəzi fitnəkoron sue-istifodə karde zəminəon bois be.
Amerkə və siyonist rejimi rəsmi şəxson ijən xarıciyə mediyaon ım vəziyətiku istifodə karde sayədə iğtisodi etıroz aksiyaon bə siyasi iğtişoşon tərəf bardən.
Çımiku bə nav, 2009 sorədə həm İronədə prezidenti səçıni nooromtətion bəpeştə Amerkə, İnqeltra və vabəstə bıə onsoron ıştə həmmə imkanaton vasitə bə İroni islamiyə nizomi zərbə varid karde fikədə bıən ki İroni millət çəvon fitnəon xonsa kardən.
