İordaniya ru ğərbiyə sahilədə 2 qılə fələstinıji şəhodət.

Xəbəriyə mərkəzon İordaniya ru ğərbiyə sahili mıxtəlif məntəğonədə sionist rejimi silahlinə ğıvvon zəmini və həvoiyə hucumonədə 2 qılə fələstinıji şəhodətiku xəbəşon do.

Bə İRNA xəbon əsosi fələstinı səhiyyə vəzorətxonə zinə şanqo elanış karde  Cənin şəhrədə bə fələstinıjon bina sionist rejimi hərbion təşkil doə hucumonədə qıləy fələstinıjə cıvon şəhid bedə.

sionist rejimi hərbion ım hucumədə 2 qılə fələstinıji həm dastqir kardən.

sionist rejimi hərbion bə Cənin şəhri zid təşkil doə hucumədə fələstinıjon dəvon dave kardən ki nəticədə sionist rejimi 2 qılə hərbionku yarəjə bedən.eyne holədə bə fələstinıjə mənbəon nəğli əsosi Əlaləm TV kanali elanış karde Cənin şəhrədə fələstinı muğavimət ğıvvon de sionist rejimi hərbion  təşkil bə silahlinə daveədə çı rejimi qıləy hərbi bə həlokət rəsə və coqlə hərbi həm yarəjə bə.

Bə ım xəbə əsosi sionist ənıştə şəhri qıləy sakin həm fələstinıjon sardə silah hucumədə işğal bə fələstinı cənub Eşkol məntəğədə bə həlokət rəsə.

eyne holədə ramullaku Fransə aqentəti xəbəş do sionist rejimi silahlinə ğıvvon həvoiyə hucumədə bə İordaniya ru ğərbiyə sahil qıləy fələstinıj bə şəhodət rəsə.