Suriyə şimalədə Tırkiyə hərbiyə əməliyati dəvom.

Tırkiyə hərbiyə ğıvvon ijən bə Suriyə şimal Əfərin məntəğədə bıə Kırdə qrupon rəket ğandən.

Bə Anadoli aqentiyəti raporti əsos həminə huccum çandə bə Kırdon zərər və ziyani bois bıə.

İjən xəbə omə ki çı Tırkiyə zəmini hərbi qrupon cənubi ostanonədə çı Suriyə sərhəddi nezi xususi bə Kilis nomo bıə ostan varid bey holədən.

Qılə holədə ki Tırkiyə prezident Əfərinədə zeytoni xolə hərbi əməliyati bino bey cərəyonədə Suriyə kıştə bıə silohinə Kırdon miğdori 935 nəfər elanış kardə be bəzi mənbəon çı Tırkiyə kıştə hərbion 16 nəfər ğeyd kardən.

Co xəbəiyə mənbəon həm ım daveon nəticəku Suriyə ozod hərbionku kıştəyon miğdori ki bə Tırkiyə vabəstən 300 nəfər elan kardən.

Tırkiyə vindemoniku Suriyə Kırdə silohinə ğıvvon çı Tırkiyə P.K.K qrupi şobəonin ki bəbe bənə terroristiyə qrupon de əvon rəftor bıbu.

Suriyədə bə Kırdon komək karde iyən bəvon siloh doe vey faxte ki Amerkə və Tırkiyə miyono rabitəon xərob karde bois bıə.

Bə Suriyə Kırdon zidd çı Tırkiyə zeytoni xol nomo bıə hərbiyə əməliyat yanvari 20-nə rujiku Suriyə şimal ğərb Əfrinədə bino be.

Xəbə omə ki Tırkiyə hərbiyə əməliyati həmzəman Suriyə şimal Ğərbədə bıə Əfrin şəhri Kırdon qıləy bəyoniyə vasitə ım hərbiyə əməliyati vədə Suriyə dıvləti himoyə və koməki tələb kardən.

Suriyə dıvlət ım əməliyati məhkumış kardə