Qurcestan ijən Moskvaku diplomatik əloğəon çok bey tələb kardə.

Qurcestani i minə vəzir ım kişvər və Rusiyə miyono diplomatik rabitəon çok bey tələb kardə.

Bə İtartas raporti əsos Qeoreqi Kuvirikaşovili zinə qılə bəyoniyədə elanış kardə: Moskva və Teflis bəbe 2 qılə kişvəri miyono siyasi rabitəon vədə bohranon həl karero mıştərəkə hərəkəton əncom bıdən.

Im bəyoniyədə ğeyd be: Moskva və Teflis ijən və həmzəman ısətnə əsr və omə nəsli barədə bəştə məsoliyət əməl və rabitəon miyono mıvcodə problemon həl bıkon.

Miladi 2008 nə sori Mart manqədə Qurcestan və bə Russiyə vabəstə bıə separatçiyə qrupon miyono daveon çı Abxaziya və Cənubi Osetiya məntəğəon co bey ijən Rusiyə və Qurcestani miyono diplomatik rabitəon ğət bey səbəb be.