Omuj nıqınyə təşkilati iclosədə seyonist rejimi cinoyəton məhkum be.
Bokuədə bıə umuj nıqıniyə təşkilati xarıci vəziron 18-nə iclosi oxonə bəyoniyədə bə Fələstin milləti zidd əncum bıə siyonist rejimi cinoyəton məhkum be.
Bə İrna raporti əsos umuj nıqinə təşkilati xarıci vəziron ım bəyoniyədə Ğəzzə tanqədə bıə siyonist rejimi hərbion tojə cinoyəton məhkum karde vey rə cinoyəton vəy qəte iyən ğeyri insoniyə hərəkəton oroxniye tələb kardən.
Im bəyoniyədə həmçınin bə Fələstin milləti əleyh bıə cur bə cur zılmon əcumlə bo jimoniro siyonist ənıştə qədə tojə şəhron soxtə, Fələstinıjon mol və kəon xərob karde ijən ğeyri hərbion həbs və dəstqir karde məhkum bıə.
Fələstin məzlumə millət dəvardə cumə rujiku(Marti 30) de "Zəmin" ruji həmzəman oqarde həx nomo bıə sulhin etirazon bino kardən ki Ğəzzə tanqədə siyoniston sərost qullə ğande nəticəku detosə bə ısət Fələstinıjonku 31 nəfər şəhid və 3000 həzo nəfəriku vey zəxmin bıən.
Ğeyd kəmon çı Bokuədə bıə umuj nıqeniyə təşkilati iclosi mıvzo bə zumandə inkişofi rəseyro beynəl xalğ sahədə sulh və əmniyyəti rəvoc doe be ki Apreli 5 və 6 bərpo be.
Azərbaycan Respublika miladi 2011-nə soriku bə ım təşkilat izofə be və omə sorədə ım itifaği dıvrəiyə rəise.