İroni taekvando novcıvonon milli kamanda dınyoədə ğəhrəman be.

İroni taekvando novcıvonon milli kamanda de 7 qılə ğızıl və 2 qılə berenc midali kəsb karde Tunesədə bıə dınyo taykvando 12-nə dıvrə çempiyonatədə ğəhrəman be.

Bə İrib raporti əsos ım mısobiğəon oxoyədə de 107 emtiyazi 8 sori bəpeştə ijən dınyoədə de zumandəti ğəhreman bıən.

İroni bəpeştə Cənubi Koreya və Tırkiyə de tərtibi 2-nə və 3-nə vırə kəsb kardən.

İroni taykvando nocıvonon milli kamanda ijən movəffəğ bıə ki Arqentiya oləmpiya hənəkonədə iştirok kardero ıştə həmmə səhmi kəsb bıkə.

İroni prezident Həsən Ruhani ım movəffəğiyəti bə təbrik votışe.