sionist rejimi hərbiyə təyarəon bə Ğəzzə məntəğə hucum.

sionist rejimi hərbiyə təyarəon ımruj sıb çandəkərə de rəket bə Ğəzzə şimal və ğərb hucum bardən.

Fələstiniyə mənbəon elanışon kardə sionist rejimi hərbiyə təyarəon fələstinı muğavimət ğıvvon mərkəzon bombardımon kardən.

desbə ısət çı hucumon tələfat və ziyanonku heç qılə məlumat nəşr bə ni.

sionist rejim dəvardə dekabrə manqiku bə Ğəzzə məntəğə zid həvoiyə hucumon tojə devrəş ıştə planədə ğərorış doə.

sionist rejimi hucumonədə bə Ğəzzə məntəğə desbə ısət çandə həzo fələstinıj şəhid və yarəjə bən.

sionist rejim 2006 nə soriku ğəzzəş zəmin həvo iyən deyo tərəfo muhasirəş kardə və çı məntəğə sakinon de veyə problemon dim bə dim hestin.