Laricani: sanksiyaon İroni məğlub karde əzı ni.

İroni məhkəmə təşkilati bəşər həxon kamissiya sər katib votışe: Amerkə 2-nə dərəcə sanksiyaon çı İroni iğtisodi məğlub iyən velo karde məğsədış heste.

Muhəmməd Cəvad Laricani zinə şəv İroni televeziyaədə İronədə xarıci bankon fəaliyəti vəy qəte iyən sərmoyə noə məhdudiyəti 2 minə dərəcə sanksiyaon zınəş be və əlovəş kardə: İroni millət detos bə ısət çandə təhrim və sanksiyaonku dəvardə ijən hiç curnə fişar və təziğ İroni təslim karde ənı ni.

İroni məhkəmə təşkilati bəşər həxon kamissiya sər katib bə məntəğədə İroni inkişof əcumlə texnoloqiya və məntəğədə İroni nıfuzi vırə işorəş kardə iyən votışe: məntəğədə İroni inkişof çı Amerkə siyasəton məğlubış kardə çın ım həğiğət bo Amerkə bovə kardə nin ni çum çiku çəvon deşmənti ziyod bıə.

Laricani çı Amerkə prezidenti vindemon və nəzəri bə İron çımiku vey fişar varde zınəş be iyən təsdiğ kardə: Amerkə dılış heste ki İron muğavimətiku dast bekəşi bə çəy xoto de huccum əkə siyasət iyən daxıli koonədə mudaxiləon İroni nizomədə bohran və mışkel icod karde fikədəy.

Ə ətomiyə təvafuğiku Amerkə xaric bey barədə həm votışe: bəbe ətomiyə təvafuği barədə Amerkə poband nı mande xoto sənəd və fakton beynəl xalğiyə təşkilaton və İ Bıə Milləton təşkilatədə təğib bıbu.