İrəvanədə İroni səfir de Ermənistoni xarıci vəzir vindemonış kardə.

İrəvanədə İroni səfir və Ermənistoni xarıci vəzir muxtəlifə siyasi-iğtisodi və mədəniyə mıvzoon barədə de yandə votımon kardən.

Bə İsna raporti əsos İrəvanədə İroni səfir Seyed Kazem Səcadi de Ermənistoni xarıci vəzir Zohrab Mənatskiyan vindemoni cərəyonədə bo həmmə sahəonədə əloğəon inkişof doero bə İrəvan və Ermənistoni miyono siyasi və dostiyə əloğəon iyən rəsmi şəxson iradə işorəş kardə və mıştərəkə kamissiyaonədə təsdiğ bıə sənədon və muğaviləon icra karde tələb kardə.

Əv ijən Avrasiya iğtisodi i bemoni çərçivədə 2 tərəfiyə ticari təvafuğ iyən muğavilə qılə fırsət bo 2 tərəfiyə iğtisodiyə əloğəon həmçınin meğzi ozodə ticariyə məntəğə zərfiyətiku çımiku vey istifodə karde sahədə zınəş be.

Mənatskiyan həm bə kanə və ğədimiyə rabitəon iyən İron və Ermənistoni miyonə mıştərəkə dərk və mıtəğabilə hisson işorəş kardə və 2 qılə kişvəri miyonə həmkarion çı tarixiyə mıştərəkə noğtəon, mıtəğabilə xatircəm mande və İronədə Ermənion rohət jimoni sayədə zınəş be ki bəbe çəvonku vey istifodə bıbu.

Ermənistoni xarıci vəzir ijən bə 2 tərəfiyə əloğəon inkişof doe əhəmmiyət və rəsmi şəxson çımiku vey ciddi mande təsdiğ bıə noməon 15-nə mıştərəkə kamissiya çərçivədə icra karde təkidış kardə.