Salehi: 10 manqi mıddətədə bə 190 həzo SWU rəse imkon hozzoe.
İroni ətom enerji təşkilati sədr Nətənz nomo bıə ətomiyə mərkəzədə votışe: tojə santifoqon soxtero montaj əkə salonon detosə i manqi hozzo bəbe.
Bə İrib raporti əsos Əli Əkbər Salehi təkidış kardə: İroni Yolə Rəhbəri əmri bəpeştə ətomiyə fəaliyətonro tojə zərfiyəton veyrə iyən ciddi hozzo karde holədəmon.
Salehi əlovəş kardə: montaj əkə salononədə dəğiğə kontrol əncom bıdə ijən həmzəmon 60 qılə santi foqon imtıvon karde bəbe.
Salehi ijən bə 190 həzo SWU rəse hədəf işorəş kardə iyən votışe: əqə modern santi foqonku istifodə kəmon 60 həzo santi foq karde bəzne detosə 10 manqi 190 həzo SWU orani qəncin bekə.
İroni ətom enerji təşkilati sədr bə 300 ton orani lozim və ehtiyoc ım miğdor qəncin karde çərçivədə işorəş kardə və votışe: orani mənbə iyən tojə ehtiyaton peydo karde holədəmon.
Əli Əkbər Salehi Nətənz ətomiyə mərkəzədə 1 milyon SWU orani qəncin karde ğabeliyətiku xəbəş do və təsdiğ kardə: ısət çı ətomiyə təvafuğ iyən sazeşi çərçivədə zərfiyətonku istifodə kardedəmon.
