Zərif: ətomiyə sazişədə bıə uzvon beşərt İroni zərər-ziyanon əvəzi bıdən.

İroni xarıcə vəzir votışe: əqə ətomiyə saziş ğərore dəvomış bıbu, ım muğavilədə mandə uzvon iyən co ticari şərikon bəpe beynəlxalğ iyən məntəğə sahədə İroni zərər-ziyanon(ətomiyə təvafuğiku Amerkə xaric bey xoto) əvəzi be şərt bıdən.

Bə ironi xarıcə vəzarətxanə media diplomatiya mərkəzi zinə ruji raporti əsos, Muhəmməd Cəvad Zərif bə çand qılə kişvərəron xarıci vəziron peğomədə təsdiğış kardə: 2018-nə Mayə manqi 8ədə iyən ətomiyə sazışiku Amerkə xaric bey bəpeştə Amerkə xarıci vəzir Mayk Pompeo de xudbinəti İron və həmməyə dınyo kişvəronku tıləbış kardə ətomiyə təvafuği məhv karde roədə Amerkə tələb iyən plani vədə tabe bıbun.

Zərif bə ım nuktə işorəş kardə ki Amerkə nı ın ki ətomiyə sazışi  poymolış kardə bəlkəm bə İ Bıə Milləton Təşkilati Əmniyyəti Şura 2231 ğətnomə həm ki de veyə sədo təsdığ bıə pobənd nıbe.

İroni xarıcə vəzir təkidış kardə: Amerkə xarıcə vəzir cəhd kardedə ki ıştə dıvləti ğanunarışt və sərkəşiku foydə bebə çən oşko sorət dınyş təhdid kardə ki hər kişvər ki de İron ticari əloğəonış bıbu cəzo bəbe.

İroni diplomatiyə təşkilati rəis əlovəş kardə: ım vey məsxərəy ki 2003-nə soriku Miyonə Şərğ məntəğə jıqo əcibə şikl be stabilə əkə kişvəri qıləy ali rəsmi şəxson İroni bə canqi otəşi rost karde mıttəhəm bıkə və hol ım ki İron mıstəğim məntəğədə çı Amerkə təcavozkoranə huzuri jiədə ğoboni bıə, əcumlə zəmon ki Amerrikə Vinses nomo hərbi qəmi 1988-nə sori İyuli 3-ədə bə İroni 655 nomo mısoferiyə təyyarə həmlə kardə iyən çı həmmə 290 nəfər sərneşin iyən mısofironış kışte.

Zərif təkidış kardə: Amerkə xarıcə zəzir bəpe ım məsələ barədə həm izah və şərh bıdə ki kom kişvər çand kərə cəhdış kardə ki Suriyədə nimə hərbion icod bıkə ta de Suriyə dıvlət canq bıkə, və ya ısət Suriyədə Amerkə kom nimə hərbi qrupiku himoyə kardedə, və ya xot Suriyə kişvəri millət və dıvləti iradə əks kom xarıcə kişvəri ərtış ım məmləkəti zəmini veyə baxşi işğalış kardə.