Çin və Russiyə bə ətomi muğaviləku himoyədorəti karde təkid kardən.

Russiyə və Çini prezidenton bə İroni ətom muğaviləku himoyə karde təkid kardeşone.

Bə İrna raporti əsos Çin və Russiyə prezidenton Şi Çin Pinq və Veladimier Putin Pekənədə cımə ruji didori bəpeştə ıştə mıştərəkə bəyoniyədə elan kardeşone, bo ətom sazişi oqəteyro Moskvavə iyən Pekən ıştən həmmə cəhdon əncom dodən.

2 tərəf ijən bəyoniyə çərçivədə 2 qılə kişvəron miyono əloğəon çimiku vey inkişof və ozavziye tələb kardən.

Çin və Russiyə prezidenton ijən ım mıştərəkə bəyoniyədə bə Suriyə ərazi təmamiyəti mıhofizət karde, istiğlol iyən ım kişvəri ijən obdon karde təkid kardeşone.

Russiyə prezident Veladimier Putin ım didorədə bo Çini dıyoədə bıə bıhranon həl kardeyro bə 2 qılə Koreya miyono cariyə muzakirəon omidvarəti nışoş do.

Çini prezident həm ım didorədə votışe: bə dınyo stabilə vəziyəti hifz kardey xoto Russiyə və Çin komək iyən mıştərəkə həmkarion dəvom peydo bəkarde.

Mayə manqi 8 ədə iyən ətom sazışiku Amerkə xaric bey bəpeştə Tramp de bə İroni zidd be əsosə ittihamon tikror karde vəomey 3-6 manqi mıddətədə ətom sanksiyaon oqarde elanış kardə.

Im elani bəpeştə bo ətomiyə təvafuği ijən be Amerkə huzuri dəom doero de İron Avropa kişvəron muzakirəon bino bıə.