Rusiyədə İroni səfir: oğoə vijdonon sionist rejimi cinoyəton çı yodo benıbəkan.

Rusiyədə İroni səfir votışe: əqəçı Fələstinədə oxonə hadisəon vey rə cərəyonədəy, əmmo dınyoədə oqoə vıjdonon Fələstin milləti həxədə bıə Amerkə və sionist rejimi cinoyəton hıç vaxt çı yodo benıbəkan.

Mehdi Sənai zinə çı Moskva Came məçitədə cımə nımoji xotbəon bənav votışe: bo mısılmonə cəmaəti həx-huğuğiku Mudafiə kardeyro ımruj harzəmoniku vey dınyo mısılmonon miyono bıvəti və vəhdət əhəmmiyətış heste.

Əv işorəş kardə: Fələstin milləti məzlumiyət və bə çəvon həxədə beədoləti anədə bo həmmə dınyo əhəmmiyətiş heste ki hətto beynəl xalğiyə təşkilaton ki çimiku bənav sukut kardə təşkilaton, tojədən sionist rejimi cinoyətonku tənğid karde biono kardən.

Moskvaədə İroni səfir, ijən bə Telaviviku Amerkə səfarətxanə bə şərifə Ğudsi ovoştoniye ki veyni muxalifəton bois bıə işorəş kardə və omidvar be ki de mısılmonon miyono vəhdəti vasitə ım cinoyəton vədə maneon icod bıbu.

Bə Sənai votəyon əsos, Ğuds beynəlxalğ rujədə Moskva şəhri Came məçitədə mısılmonon qırdə bey ım muhimmə həğiğəti nışonəy ki mısılmonon miyono ədolət və məzlumon həx-huğuğiku mudafiə karde çandə əhəmiyətış heste.