Amerkə və Şimali Koreya rəhbər bə votımonon dəvomi işarəşon karde.

Sinqaporədə Amerkə president və şimali koreya rəhbəri vindımoni oxoyədə 2 qılə məmləkəti rəsmi şəxson bə votımonon dəvomi işarəşon karde.

Bə İRNA xəbon əsosi Donald Tramp ımruj Sinqaporədə de şimali koreya rəhbər Kim Conq Un vindımoni bəpeştə Koreya nimə cəzirədə atom silahon qırdə karde həxədə işarəş karde və elanış karde təvafuğnamə mediyaon extiyorədə ğəror bəqəte.

Şimali Koreya rəhbər Kim Conq Un həm  Koreya nimə cəzirə munağişə həl kardeyu bə Piyonyanqi ciddiyə niyyəti işarəş karde və elanış ka votımonon ım cəhətdə dəvom pəydo bəkay.

tokiyoədə vaşinqton posti ofisi rəis Anna Fifield ım vindımoni bərpo be həxədə votışe:Donald Tramp və Kim Conq Un 3 qılə həmkariyə sənədışon imza kardə.

eksperton bovəşon heste Donald Tramp  Amerkə daxil və beynəlxalğə səviyədə bıə veyə problemon xoto ki dəy dim bə dime hərəkət kardə ta sinqaporədə Şimali Koreya vindımoniku bənə qıləy təbliğatinə vəsilə bəhrə bıbə ta çı problemonku ictimaiyyətdə bə fikon bə xətoə roon eğando.