Əfğanıstani şərğədə bıə terroristiyə həmlə tələfot ziyod be.
Jun 18, 2018 08:30 Asia/Tehran
Əfğanıstani şərğ Nənqərhar viloyəti mərkəzədə bıə terroristiyə həmlə nəticəku kıştə bıə kəson miğdor ve bəy.
Bə İrna raporti əsos, Əfğanestani Nənqərhar şəhri sahiyyə idarə rəis Nəcibullah Kamə Vaal elanış karde: Nənqərhar viloyəti mərkəz Cəlal Abad avvələ şəhri i-nə baxşədə bıə zinə ruji terroristiyə həmlə nəticəku 15 nəfər kışte və 45 nəfər zəxmin bıən.
Im mərkəz kıştəyon miğdori ziyod bey ehtımoliku xəbəş do.
Çimiku bəna kıştəyon miğdor 10 nəfər elan bıə be.
Nənqərhar ostandari sıxənəvot Ətaullah Xuqiyani həm bə mediyaon votışe ki ım terroristiyə hadisədə tələfot veyni ğeyri hərbionin.
Ta ım zəmon hiç kəs ya qrup ım terroristiyə həmlə məsuliyəti ğəbulış kardə ni əmmo Nənqərhar viloyəti məntəğəonku veyni DAEŞ terroristiyə qrup işğalədəy.