Ğəzzə mərkəzədə yarəjə bıə fələstinıjə hırdəni şəhodət.

qıləy fələstinıjə hırdən ki Ğəzzə mərkəzədə "Oqarde Aksiya" cəriyanədə yarəjə bə be yarə şiddətin be xoto şəhid be.

Bə Fələstinı məlumat ərosnə mərkəzi elanon əsosi Ğəzzə məntəğədə fələstinı səhiyə vəzorətxonə elanış ka Zəkəriya Bəşbəş 13 sorə fələstinıjə hırdən ki mayə manqi "Oqarde yolə Aksiya" cəriyanədə Ğəzzə mərkəz Əlbəric laqerdi şərğ hissədə yarəjə bə be 2 şanbə ruji yarə şiddətin be xoto bə şəhodət rəsə.

 De ım fələstinıjə  hırdəni şəhodət "Oqarde Aksiya" şəhidon ədəd bə 139 nəfər rəsə.

Cotərəfədə sionist rejimi hərbiyə təyarəon zinə əsrə vaxti Ğəzzə cənub Xanyunis şəhri şərğ Ğərarə şəhrədə de rəketi bə mığavimət ğıvvon qıləy posti  hucumışon bardə.

1 şanbə ruji həm sionist rejimi qıləy cəsusiyə təyarə Ğəzzə məntəğədə bə fələstinıjə cıvonon qıləy qrupi hucumışon barde.