Ğəzzə məntəğədə yarəjə bə fələstinıjə cıvoni şəhodət.
Fələstinıjə cıvon ki ki dəvardə manqi de sionist rejimi hərbion qullə yarəjə bə be yarə şiddətin be xoto bə şəhodət rəsə.
Bə fələstinı məlumatərosnə mərkəzi ımrujnə elanon əsosi 23 sorə fələstinıjə cıvon şəhid Muhəmməd Ğəsan Əbu Dəğə dəvardə manqi Amerkə səforətxonə bə şərifə Ğuds ovıştıne ruji etirazinə aksiyaədə de hərbiyə sioniston dasi yarəjə be.
Amerkə səforətxonə bə şərifə Ğuds ovıştıne ruji israilı ğeyre ğanoniyə rejimi təsis kardə ruji ki de nəkbət ruji məşhure , heç nıbo 65 qılə fələstinıj de sionist rejimi hərbion dasi şəhid və 2 həzo 700 nəfər həm yarəjə bedən.
co tərəfədə sionist rejimi hərbion bə İordan ru ğərbiyə sahil hucum bardeədə 17 qılə beqınoə fələstinıjə şəhrvandi dastqir kardən.
Bə fələstinıjə mediyaon elanon əsosi ım hucumi bəpeştə sioniston və fələstinıjə şəhrvandon miyonədə şiddətinə dave təşkil bedə.
