Ruhani: iradəon canqədə İron Amerkə vədə səbarz bəbe.

İroni prezident zinə əsrə vaxti təcavuzkoron və zalimon vədə bə İroni təslim nıbey iyən hejo mığovimət karde təkidış karde və votışe: iradə mubarizəon meydonədə İron Amerkə məğlub bəkay.

Həsən Ruhani bə ətomiyə təvafuğiku Amerkə xarıc bey işorəş karde və ım ğəroli bəpeştə dınyoədə Amerkə bə təcrid mande ım dıvləti məhkum bey nışonə zınəş be və hol ım ki İron nə inki sanksiyaonku tarsış ni bəlkəm dınyo ısət bə yolə İroni əql və tədbiron etırof kardedə.

İron İslam Respublika prezident bə ətomiyə sazışi ijən ko karde işorəş karde və votışe: Amerkə, sionist rejim və məntəğədə çəmə bedxahon Amerkə ım hərəkəti bəpeştə ətomiyə sazışiku İroni xarıc bey intizorədə bən ki İron jəğo əməlış nıkarde və de İroni tədbiri bərobər iyən bə Avropa, Çin və Russiyə fırsət doe bərobər İroni deşmənon ijən İroniku zumandə zərbə hardışone.

İroni prezident çı Amerkə tojə siyasəton barədə bə 3 qıləro işorəş kardə.

Əvəl: Amerkə vədə təslim bey, deminəro: Amerkə vədə mande ijən daxıliyə ixtilafon dəvom doe kənoədə və 3-nəro: daxıli ixtilafon bə kəno və milli ğeyrəti oqətə sayədə mığoviməti dəvonm doe ki əlbətə millət 3-nə vıjniyəşone.