Yaponiya i-nə vəzir Amerkəku tənğidış ka.

Yaponiya i-nə vəzir de Amerkə mudafiə vəziri videmonədə Sinqapurədə bıə muzakirəon cuziyəti bo Tokio izah nıdoe xoto Donald Trumpiku tənğidış karde.

Bə İrib zinə ruji raporti əsos Şinzo Abe çı Amerkə mudafiə vəzir Cimz Matisi didorədə ki bə Yaponiya paytəxt Tokio səfərış kardə be votışe: Sinqapurədə Amerkə prezident Donald Trump və Şimali Koriya liler Kim Con Oni miyono bərpo bıə muzakirəon cuziyətiku Tokio həm bəpe xəbə do bıbu.

Ceymz Matis ım vindemonədə votışe: bə dəvardə təvafuği əsos Amerkə ijən Yaponiyaku himoyədorəti bəkarde və de şomaliyə Koreya təvafuğon ım məsələdə mane ni.

Matis ım vindemoni bənav de Yaponiya mudafiə vəzi İtsonori onodra həm didorış karde. Yaponiya mudafiə vəzir ım vindemonədə Amerkə və Şimali Koreya miyono rabitəon təğviyət beyku ıştə niqəran bey elanış karde iyən bo Koreya Nimələpək məsələ barədə Vaşenqtoni de Tokio məsləhət karde tələbış karde.

Yaponiya çand kərə bəçəy xoto ki Sinqapurədə bıə Amerkə və şimali Koreya yolon oxonə didoriku dəğiğə məlumat iyən informasiyə dast peydoş nıkarde, Amerkə rəsmi şəxsonış tənğid kardedə.

Yaponiya rəsmi şəxson cəhd kardedən Sinqapurədə bıə Amerkə və şimali Koreya yolon oxonə didori ditaliku vey dəğiğ oqo bıbun.