Suriyə cənub hissədə Seyda məntəğə ozod be.
Jul 06, 2018 12:37 Asia/Tehran
Suriyə silahlinə ğıvvon Dəra şəhri 10 kilometriədə Seyda nomo bə məntəğəşon Əlnusrə cəhbə terroristiyə qrupi dastiku ozodışon karde.
Bə Suriyə rəsmiyə aqentəti Sana nəğli əsosi Fars aqentəti xəbəş do Suriyə silahlinə ğıvvon ımruj bə Cebhətulnusrə terroriston mərkəzi zid şiddətinə hucumon və zərbəonışon təşkil kardə və bə Seyda məntəğə daxil bən.
Suriyə silahlinə ğıvvon muhəndesiyə qrup həm ım məntəğədə bə mina təmiz karde məşğul bən ta ım məntəğə sakinon bəştə kəon oqardeyu şərayeton hozzı bıkən.
Seyda Dəra şəhri şərğ hissə 10 kilometriədəy və terroriston muhimmə mərkəzonku bə hisob omedə ki ım məntəğə ozod beədə Suriyə silahlinə ğıvvon zınəşone Dəra ostani şərğ hissə təmiz kardeyu muhimmə ğədəm peqəte.
