Ğəzzə məntəğədə fələstinıjə cıvoni şəhodət.
Qıləy fələstinıjə cıvon ki sionist rejimi hərbion ğandə qullə nəticədə yarəjə bə be zinə yarə şiddətin be xoto bə şəhodət rəsə.
Bə İRNA xəbon əsosi Əhməd Cihad Əlayedi marti 30 minnə ruji Ğəzzə şərğ hissədə sioniston ğandə qullə nəticədə yarəjə bə be.
Ğəzzə məntəğədə dəvardə haftəonədə oqarde həxi aksiyaon xoto bə fələstinıjon əzəmətinə hərəkəton şohide.
Oqarde həxi dincə aksiya dəvardə marti 30 minnə rujiku zəminı ruji mınosibəti Ğəzzə məntəğədə təşkil bə və eyne holədə dəvomış heste.
martə manqi 30 minnə rujiku desbə ısət 155 nəfərisə veyə fələstinıj ım mitinqonədə de sionist rejimi hərbion ğandə qullə şəhid və 17 həzo nəfərisə ve yarəjə bən.
xəyli məmləkətonku mincumlə İron İslam Respublika iyən beynəlxalğə təşkilaton desbə ısət sioniston ım cinayətonışon məhkum kardə.
