İrağçi: Avropa məxsusə mexanizm bəpe detosə Noyabrə manqi 4 icra bıbu.

İroni xarıci vəziri siyosiyə muavin zinə təkidış karde ki Avropa məxsusə mexanizm bəpe detosə Noyabrə manqi 4 yəni Amerkə sanksiyaon 2 minə dıvrə bino bey bənav, bə İron təklif doə bıbu.

Bə İrna raporti əsos Seyed Əbbas İrağçi izhorış kardə ki İroni tərəfo zəmon iyən bərnomə həman Noyabrə manqi 4 mıəyyən bıə.

İroni xarıci vəziri siyosiyə muavin Amerkə iddio bıə sanksiyaon, çimiku bənav təsdiğ bey zınəş be ki əmələdə iyən kamilən Noyabri 4 bəpe icra bəbe və işorəş kardə: ım sanqsiaon çı Amerkə sanksiyaonku 2 minə baxşışe.

İrağçi əlovəş kardə: bəpe jığo ğeyd kəmon ki Noyabrə manqi 4 -nə rujiku ım sanqsiaon rəsmi surət əməli bıdə ijən ğəror ni qıləy tojə əcib-ğəribə hadisə veği bıbu.

Amerkə prezident Donad Tramp, Mayə manqi 8 ətomiyə sazışiku Vaşenqtoni xarıc bey və ətomiyə sanksiyaon oqordıniye elanış kardə(sanksiyaon i minə dıvrə Avqustə manqi 7 icra be iyən 2 minə baxş ğərore ki Noyabri 4 rəsmən icra bıbu).

Trampi Im hərəkət de dınyo zumandə tənğidon məxsusən ətomiyə sazışi co tərəfon əcumlə Fransə, İnqiltərə, Russiyə, Çin, Almaniya və Avropa ittifoğiku dim bə dim be ijən əvon izhor kardən ki beynəl xalğiyə ətomiyə sazışiku ijən himoyədorəti bəkan.

Çumçiku, İron və Avropa bə çəy xoto ki ətomiyə sazış ijən oqətə bıbu, ıştə sohbəton bino kardəşone.

Avropa, ım muzakirəon cərəyonədə mıttəhid be ki bə İroni əleyh bıə Amerkə sanksiyaon mığubilədə himoyə əkə təklifon, əv həm ətomiyə sazışi çərçivədə elan bıkə.

İron İslam Respublika təkidış kərdə ki Avropa tərəfiku edaştə bıə təklifon bəpe ətomiyə sazışiədə bıə İroni milləti həx- uğuği zomin bıbu iyən qarantyə bıkə.