İron bə sionist rejimi rəsmi şəxson notaş do.

İroni xarıci vəzarətxonə bə sionist rejimi beədəb, nodon və rasistə rəsmi şəxson notaş do ki bə İroni yolə milləti əleyh jıqo beədəb və cahilanə sıxənon bəyon kardeku bə kəno bımandon.

Bəhram Ğasımi çı sionist rejimi tojə sıxənon cəvodədə təsdiğış karde: sionist şeytoniyə rejimi nodonə rəsmi şəxson ki detosə bə ısət deştə riyakaranə hərəkəton İroni milləti çı demokratik hukumətiku co karde ğəsdışon be ısət de xəbisəti və beədəbə tohin və zəlilanə sıxənon ki İroni milləti həğiğəti əkse bə İroni milləti əleyh ıştə zəhrinə nifrəti nışoşon do.

Ğasımi təkidış kardə: çımiku vey xəbisonə hərəkət ıme ki ım rejimi rəsmi şəxson ki xəbisəti, təcavuz və deşmənti çəvon oşkorə xususiyəte qıləy kanə və mədəniyət soib bıə milləti ki deştə şocaət yəhod milləti nicot doeşone jıqo de zəliləti və xəbisəti xətob ğəror dodən.

İroni xarıci vəzarətxonə sıxənəvot təsdiğış kare: İroni yolə millət bə Mosa(ə) dini tərəfdaron ehtırom karde kənoədə əvoni çı sionist faşist, təcavuzkor və işğaləkə rejimiku co kardedə.

Sionist rejimi rəis tojədən de Almaniya kansiler Anqela Merkel vindemon karde qıləy beədəbə sıxənon vasitə ki ım rejimi şənədə vvotışe: bəpe İroni millət vəşiyan be mandon.