Amerkə mısılmonon Rəhbər: Vaşenqtoni ğudrəti kam bey dəvom kardedə.

Amerkə ədə islam umməti hərəkəti rəhbər votışe: Amerkədə hiç vaxt demokratiyə nıbe, bəlkəm hejo bə ğudrət və sərvətmandə cəmiyəti meylış be.

Louis Fəraxan zinə Tehroni unniversiti siyosi elmon və huğuği institutədə 1358-nə sori Abanə manqi 13 detosə 1397-nə sori Abanə manqi 13 nomo iclosədə, təsdiğış kardə: de Donald Trampi prezident bey vositə Amerkə dınyoədə ıştə həmmə sultə ğudrəti məhv karde holədəy.

Amerkə ədə islam umməti hərəkəti rəhbər de işorə bə İronədə jenon ozodi təsdiğış kardə: ım ozodi qıle holədəy ki Amerkə və Avropaədə jenon bənə mırdon dastədə bıə abjor suo-istifodəon jentonədən.

Fəraxan de işorə bə ım ki İroni millət bəpe cəhd bıkə ta qıləy vey çokə millət bıbu, votışe: Amerkə fəğət hilə karde xoto vəədə dodə əmmo İronıjon bəpe kişvəri daxıl və xarıcədə mıttəhhid bıbun.

Amerkə islami umməti hərəkəti rəhbər ijən bə ım nuktə təkiış karde ki Amerkə çı mısılmonon miyono ixtilof icod karde pidəşe və əlovəş kardə: Yəmənədə kali ərəbiyə kişvəron cinoyəton vədə, Amerkə sukuti illətonku qıləyni bə əvon 110 milyard dollariku vey siloh həvote və ım kişvəron de İsrail rejimi miyono çokə rabitəon bərğəror beye.

Louis Fəraxan işorəş kardə: Amerkə və İsrail rejimi tarsonku veyni İronikue, boçi ki əqə canq bino bıbu və əvon bə İron həmlə bıkən, İron hiç vaxt təslim nibəbe.

Amerkə islam umməti hərəkəti rəhbər ijən bə mısılmonon miyono ittifoğ iyən vəhdət təkidış kardə.