Ruhani: İron bə həmmə mısılmonon tərəf ıştə dustiyəti dasti dıroz bəkay.

İroni prezident votışe: İron bə həmmə mısılmonon tərəf ıştə dustiyəti və bıvəti dasti dıroz bəkay.

İron islam respublika prezident Həsən Ruhani zinə İroni nizomi rəsmi şəxson, İslamiyə vəhdət 32 minə iclosi iştirokəkəyon iyən mehmonon, İslamiyə kişvəron səfiron və umum cəmaətiku muxtəlifə qrupon de İroni Yolə Rəhbəri vindemonədə, İslamiyə İnğilabi Yolə Lideri sıxənon bənav əlovəş do: deşmənon niyyətışone ki İron bənə İslamiyə İnğilabi bənav bıə soron əməl bıkə və məntəğə məzlumonku himoyədorəti nıkə əmmo İron de İslamiyə Peyğəmbər(s)ku təbəəiyət karde zumandə sanksiya və təkfiriku tarsış ni.

Ruhani çı hamsoyə kişvəron bənə İroni bıvə və məntəğə əmniyyəti ıştə əmniyyət hisobış karde, ijən de təkfiriyə mızdoron vositə və bə yolə milləti fişar varde sanksiyaon royku istifodə karde çı zılmkoron cəhd məntəğə noəmn karde xoto benəticə zınəş be iyən təsdiğış kardə: məntəğədə bıə hiləkorə rasiston hər ruj Fələstin milləti ğətliam və Yəməni milləti bombərdımon kardedən.

İroni prezident ijən de işorə bə Məsihi, Yəhudi və Mısılmonə radikaliston miyono hamkarion votışe: ımruj ı dastə de Təkfir şuari iştimaeiyət və məntəğə noəmn kardəşone və de islam iyən Ğıroniku pesoxtə bıə təhlil iyən sue istifodə, milləton con, əmniyyət, namus, mədəniyət iyən tarixi əsəron nabud kardəşone.

İroni prezident təkidış kardə: İron, çı ittifoğ, vəhdət, rəhmət iyən hikməti tələb kardedə ki bə ım erjon dast peydo karde fəğət islamiyə peyğəmbər(s) çətıri jentonədə dast peydokardənine.