Omə 2 manqədə Mosulı ozod kardeyu irağıjə fərmondə vədə.
irağədə de terarizmi mubarizə bıkə təşkilati məxsusə ğıvvon fərmondə votışe: irağıjə ğıvvon omə 2 manqədə Mosul şəhri İŞİD terroristiyə qrupi işğaliku ozod bəkan.
Bə telerədyo aqentəti ımrujnə xəbon əsosi iraği məmləkətdə de terarizmi mubarizə bıkə təşkilati məxsusə ğıvvon fərmondə Fazil Bərvari votışe: omə 2 manqi muddətdə vaxtiku məmləkəti silahlinə ğıvvon kamilə holətədə Mosul şəhrışob bəştə dast qəte çı şəhri sakinon bəznen bəştə addiyə jimon oqarde.
coqlə xəbə ımki iraği helale əhmər cəmiyyəti uzvonku qıleni Əyad Rafed zinə votışe: və həvo bevəcə şərayet canqi avərəon dəhşətinə vəziyyəti diğğət doe əsosi 3 şanbə ruji(ımruj) 3 həzo 250 qılə ğeyre hərbi əcumlədə xəyli jen və hırdən Mosul şəhriku bə Əlxazir Həsən Şam iyən Əlcədə nomo bə laqerdon ovıştıniyə bən.
