Venesoelaədə Amerkə dıvlət peqardımoni hədəf ım kişvəri nati ğarət kardeye.

İ Bıə Milləton Təşkilatədə İroni səfir Venesoelaədə Amerkə ğeyri ğanuni iyən təhrikəkə siyasəton bə oxo rəse tələbış ka.

Eshağ Ale Həbib Venesoela barədə Nəm qrupi tojə iclosədə ım kişvəri daxıli bıhranon bə Venesoela millət və dıvlət vabəstə bıə məsələ zınəş be iyən votışe: hiç kəs həxış ni bə Karakas əmr-dəstor bıdə.

Əv Venesoelaədə bıhranon əsliyə illəti, Amerkə nohəxə sanksiyaon zınəş be və votışe: Amerkə ım bıhraniku  ıştə siyasəton bənav bardero istifodə kardedə.

İ Bıə Milləton Təşkilatədə İroni səfir demokratiya iyən bəşər həxon barədə Amerkə tərəfo iddiaon qırd beəsos zınəş be və təkidış ka: Venesoelaədə Vaşenqtoni deşmənə hərəkəton Latin Amerkədə Amerkə mənafe təmin karde çərçivədəy.

Ale Həbib votışe: Venesoela daxıli şərayeti əvəz kardero Amerkə səy-cəhd çı Əmniyyət Şuraku sui-istifodə karde xoto ğeyri ğanuniyəku heste ki İron əy məhkum kardedə.

Tojədən Amerkə və Amerkə həmpeymonon Venesoeladə dıvlət peqardımoni xoto siyasəton icra karde holədən.