Əfğanıstoni bıhranonədə siyasi roon iyən diplomatiyaku istifodə karde əhəmiyyət.

İroni islamiyə şura məclesi xarıci siyasət və milli əmniyyət kamissiya rəis votışe: bo Əfğanıstoni bıhranon həl kardero İroni strateqiya diplomatiyaku istifodə kardeye.

Heşmətullah Fəlahət Pişə zinə Tehronədə de Əfğanıstoni koonədə Avropa i bemoni nımoyəndə Ronald Kobiya vindemon karde və votışe: İron məntəğədə stabiləti iyən əmniyyəti pidəşe və Əfğanıstoni milləti sədoonku təşkil bıə dıvləti himoyədore.

Əv bə Əfğanıstoni daxıli koonədə xarıcion mıdoxilə işorəş karde və votışe: ım məsələ Əfğanıstoni milləti ğıboniş karde və noəmnion dəvomədəy.

Əfğanıstoni koonədə Avropa i bemoni nımoyəndə həm ım vindemonədə votışe: Əfğanıstoni məsələ barədə İron iyən Avropa miyono nəzəron həmohənqin çən bəpe ım sahədə əloğə və həmkarion və bıbu.

Ronald Kobiya de narkotika maddon mubarizə barədə sahədə bə İroni rol və muvəffəğiyət işorəş karde və əloğəon inkişofi pidəş be.

Xəbə ome Aprili 19ku Əfğanıstoni dıvlət iyən Talebani miyono i minə dıvrə muzakirəon Ğətərədə bino bəbe; Əfğanıstoni prezidentəti aparati 250 nəfər çı əfğaniyə partiya yolon və siyasi məşhurə şəxson nomi ım iclosədə iştirok kardero elanış karde.