Ətomiyə sazışi barədə İroni səbr sə bıdə.
İroni xarıci vəziri muavin bə ım nuktə işorəş karde ki ətomiyə sazış de Amerkə siyasəton məhv bey holədəy və ım sazışədə İroni səbriku kam mandəy.
Seyed Əbbas İrağçi Tırkiyədə stratejik mutaliəon mərkəzədə iclosi kənoədə votışe: ətomiyə muğaviləku Amerkə xaric bey bəpeştə hələ Avropa çı İroni mənafe təmin kardəşon ni.
Əv bə ətom enerji beynəl xalğ təşkilati tərəfo 14 kərə İroni ətomi fəaliyəton təsdiğ bey işorəş karde və votışe: ım bəfodorəti vədə İron hələ ətomiyə sazışi mənafeku istifodə kardənin.
İroni xarıci vəziri muavin bə İnsteks maliyə məxsusə mexanizmi icod bey işorəş karde ki detosə bə ısət çəy fəaliyəton bino bə ni.
İrağçi votışe: ətomiyə sazışiku Amerkə xaric bey Əmniyyət Şura ğətnoməon əks be iyən bois be ki İronıjon bə beynəl xalğ muğaviləon xatircəm nıbun.
Əv təkidış karde ki İron Amerkə vədə de makzimum ğudrəti muğavimət bəkay ta sanksiya təsiri məhv iyən kam bıkə.
İroni xarıci vəziri muavin Tırkiyədə de Tırkiyə xarıci vəziri muavin vindemon karde həm bə İron-Tırkiyə miyono həmkari və əloğəon dəvom bən dəvardə soron təkidış karde.
Əv Rusiyə, Hindostan iyən Çini kənoədə Tırkiyəş bənə ticari şərik hisobış karde.
