Fələstini millətiku İroni himoyəon dəvom peydo bəkay.
Beynəl xalğ sahədə İroni islamiyə şura məclesi rəisi məxsusə məslehətçi de Tehronədə bıə Fələstini səfir vindemon karde təkidış ka: İron de zumandə iradəon ijən Fələstin millətiku himoyədorəti bəkarde.
Bə İrna raporti əsos Husein Əmir Əbdullahiyan ijən hərbiyə əməliyoton və bə İron İslam Respublika əleyh Amerkə canqi bino bey ehtımali qıləy pesixi-təbliğiyə siyasət zınəş be və votışe: Amerkə radikalon, Ərəbiston iyən sionist rejim pidəşone Amerkə təhrik bıkən əmmo cank hiç vaxt bino ni bəbe.
Əmir Əbdullahiyan çı Amerkə təhdidonış fəğət bo no həxə muzakirəon Tehroni məcbur karde amil zınəş be.
Fələstini səfir Səlah Əlzəvavəy həm ım vindemonədə bə Fələstin millətiku İroni həmmə tərəfinə himoyəon işorəş karde və votışe: Fələstini millət ım himoyəon ğədrdonin.
Əlzəvavi məntəğədə amerkə siyasətonış bə sionistonış komək karde çərçivədə zınəş be Tehronədə Fələstini səfir əlovəş karde: sioniston çı Trampi ustadin iyən pidəşone ıştə təcavuz siyasəti icra bıkən əmmo muğavimət məntəğədə bə əvon vey saxtə cəvob iyən reaksiya nışoş do.
