Ruhani: İroni millət deşmənon peşmon bəkan.

İroni prezident votışe: İroni millət ijən iğtisodi canqədə deşmənon peşmon bəkan.

Həsən Ruhani zinə Tehronədə şəhidon 12-nə iclosədə təkidış karde: İroni millət deşmənon vədə de zumandəti və izzət bəmanden. 

Əv təsdiğış ka: deşmənon fişar-təziğ bə çəy xotoe ki İroni millət ıştə isteğlal və izzətiku dast bekəşo və hol ım ki ijən millət çəvon planon məğlub və deşməni peşmon bəkan. 

Ruhani bə dəvardə i sori mıddətədə bıə sanksiyaon jentonədə İroni milləti muğavimət işorəş karde və votışe: millətiku təskim bey sədo rost ni bəbe və millət de fidokarti iyən i bemon hukmən deşmənon vədə səbarz bəben. 

İroni prezident lovəş ka: ımruj çı muğavimət və steğməti ruje və az bə millət elan kardəm ki de vəhdət və muğavimət Amerkə, sionist rejim iyən məntəğə murtəcə kişvəron məğlub karde bəbe. 

İrobi prezident ijən Xorrəmşəhri çı muğaddəsə mudafiə yolə simvol zınəş be və çı İroni milləti iradə və tarixədə muğaviməton barədə votışe: Xorrəmşəhr jəğo ozod be ki 19 həzo nəfər çı İraği əsqəi iyən hərbion əsir bıə.  

​​​​