Zərif: İron de Fars Dıyo kişvəron vey çokə əloğəon pidəşe.

İroni xarıci vəzir bə bıhranon kam əkə votımonon ğəbul karde təkidış ka.

Muhəmməd Cəvad Zərif zinə Bəğdadədə de İraği xarıci vəzir Muhəmməd Əli Həkim bıə xəbə mıştərik iclosədə votışe: İron və Fars Dıyo həmmə kişvəron miyono bıhranon vəy qəte barədə İron anədə təklifonış çımiku bənav hozzoş karde.

Zərif bə Amerkə anti İron sanksiyaon həm işorəş karde və votışe: iğtisadi və hərbi sahədə İron deşmənon harcurnə təhdidon vəy qəte karde bəzne.

Əv ətomiyə sazışi barədə Avropa kişvəron siyasəton tənğidış karde və votışe: Amerkə de yolə şəxəti nə ın ki beynəl xalğ ğətnoməon ləğv karde bəlkəm co kişvəron həm bə ım ko təhrikış karde.

İroni xarıci vəzir bə İroni millət və dıvlətiku İraği himoyəon işorəş karde və bə viza rejimi vədə moşkilaton rə həl karde təkidış ka.

İraği xarıci vəzir Muhəmməd Əli Həkim həm anti İron sanksiyaon məhkumış karde və votışe: Bəğdad de ım sanksiyaon movafiğ ni və bə İron komək bəkay.

Zərif ıştə səfəri dəvomədə de İraği co qılə rəsmi şəxson və yolə partiya lideron həm vindemonış karde.