Zərif: İron bə Amerkə ehtiyocış ni.

İroni xarıci vəzir bə Amerkə anti İron iğtisadi terrorizmi vəy qəte zəruriyat işorəş karde və votışe: Tehron nə bə Amerkə ehtiyocışe və nə de əy muzakirə bəkay.

Muhəmməd Cəvad Zərif İroni məclisədə votışe Amerkə bəpe İron və İroni şərikon miyono əloğəon muzahim nıbu boçi ki beynəl xalğ soyədə umum iştimaiyət bə Amerkə hərəkəton əsos çı təbliğon təğib kardedən.

Əv ğərni muğavilə çı Amerkə məğlob bıə siyasəton qıləy ni zınəş be və votışe: viyə təziğon kənoədə muzakirə karde xoto təbliği-pesixi hərəkəton hiç foydəş ni.

Zərif Almaniya xarıci vəzir səfəri bə Tehron ətomiyə sazışi çərçivədə 3 qılə Avropa kişvəron səyon çərçivədə zınəş be.

Zərif ımruj de Hayko Mas vindemon iyən ətomiyə saziş, 2 tərəfi iyən məntəğə mıvzoon barədə muzakirəş karde.

İroni xarıci vəzir bə İroni əsliyə nəzər xarıci siyasətədə bə hamsoyə kişvəron əhəmiyyət doe təkidış karde.

Əv Yaponiya xarıci vəzir iyən i minə vəziri bə Tehron səfər karde barədə həm votışe: İron hiç faxt de dustə kişvəron əloğəon oqəte barədə niqəran ni boçi ki İroni mənteği və ağil mandə xarıci siyasəton dəvom kardedə.

Tojədən Yaponiyadə İroni səfir Morteza Rəhmani Movəhhed həm bə Şinzo Abə səfəri əhəmiyyət işorə və əvış əloğəon soyədə muhimmə noğtə və mərhələ zınəş be.