Ermanıstanədə de karrupsiya mubarizə bardə şura fəaliyət oqətə bıə.
De İrəvani dıvləti ğərol iyən befoydəti xoto Ermanıstanədə de karrupsiya mubarizə bardə şura fəaliyət ləğv be.
Bə Erməni Rədio raporti əsos, zinə Ermənıstani dıvlət kabineti iclosədə ədliyyə iyən məhkəmə vəzir Rustəm Badasiyan de karrupsiya mubarizə bardə şura fəaliyəti befoydəti xoto çəy ko və fəaliyəti oqəte tələbış karde.
Ermanıstanədə de karrupsiya mubarizə bardə şura fəaliyət 2015 de ım kişvəri nakonə iminnə vəzir Hovik Abrahimiyani əmri təəsis bıə be ta Ermənıstani idari iyən dıvlət sistemədə hevujə karrupsiya vəy bıqəti.
Ermənıstani ısətnə iminnə vəzir ki de karrupsiya ciddi mubarizə barde şuari bə zumandəti dastış peydo karde, detosə ısət bəştə vəədəon əməl karde xoto çndə dıvlət kabineti uzvon, ostandaron iyən ali rəsmi şəxsonış ixrac ya xot bə məhkəmə elanış karde.
