İron pidəşe de ətom enerji beynəl xalğ təşkilati çokə həmkariş bıbu.

İroni xarıci vəzarətxonə sıxənəvot votışe: de çokə ğəsd-niyyəti iyən bə yande ehtırom noe vasitə İron karde bəzne bə ətom enerji beynəl xalğ təşkilati xatircəm bıbu və be tərəfə siyasəton vasitə bə həmkari idomə bıdə.

Seyed Əbbas Musəvi bə ətom enerji təşkilati muhimmə rol dınyoədə ətomiyə silahon vəy qəte xoto işorə və təkidış karde: ım beynəl xalğ təşkilat bəpe be tərəf və dəğiğ bə beynəl xalğ iyən məsoliyəti əməl bıkə.

Əv bə ətom enerji muğavilə çərçivədə İron və ım təşkilati miyono həmkarion işorəş karde.

Eyne holədə İ Bıə Milləton Təşkilatədə İroni daimə nımoyəndə və səfir Kazım Ğərib Abadi həm bə ətom enerji təşkilati be tərəf mande və istiğlol işorə və təkidış karde: Tehron pidəşe ki ətom enerji beynəl xalğ təşkilat hiç tərəf ya kişvəri təziğon jentonədə nıbu.