Ukranya bə Amerika himoyəon umudəvoye.

Ukraynya prezident votışe: Kiyev bəştə ozavziye iyən inkişafi dəvom doero, bə Amerika kıməkon peştıpure.

Bə Sputnik agentiyəti raporti əsos, Ukrayniya prezident Petro Poroşenko, Yanvari 3-ədə təkidış kardə ki, beynəlxalğ səthədə bıə həmkaratiyonro, Amerika hejo qıləy çokə həmpəymonə kişvəre ki əmə bəy xatırcəmimon.

Əv bə Ukraynia iyən Amerika miyono stratejikə həmkarion işorəş kardə iyən votışe: çəmə və Amerika miyoni dustiyəti iyən i bey zəmoni bino be ki, Amerika çı Ukrayniya istiğlali rəsmi zınəş be.

Ukrayniya prezident çın kişvər iyən Amerika miyono diplomatikə rabitəon bino bey 25-nə sorqardışədə təkidış kardə: Vaşinqton hejo bə Ukrayniya çandə iğtisadi iyən əmniyətiyə kıməkonış kardə.

Petro Poroşenko votışe: zəmoni ki Ukrayniya de Səvet hukuməti vılo bey bərobər mıstəğil be iyən ıştə ətomiyə zumandəti bə kəno noşe, bo ıştə əmniyəti təmin kardero bə xarici kişvəron vabəstə be.