Koronavirusi kontrol və mudiriyətədə İron səbarz əməlış karde.

İroni prezident votışe: de səhiyyə kadron iyən İroni milləti cəhd, co kişvəron muğaisədə İron Koronavirusi mudiriyət və kontrolədə səbarz əməlış karde.

İroni prezident Həsən Ruhani zinə Koronavirusi mudiriyə iclosədə əlovış karde: de Koronavirusi mubarizə barde zəmonədə bənə Amerkə bıə kişvəron əks İronədə non və coni miyono canq moşahid nıbe və vey çok bə İroni milləti səlomət iyən iğtisod vəziyət diğğət be.

Ruhani təsdiğış karde: sanksiyaon jentonədə əmmo vey çokə koon İroni iğtisodədə əncom be və həmmə statsikaon mənteği şərayeti nışo doydə və ısət İron karde bəzne təyeb və səhiyyə təchizaton ixrac və sadir ko.

Dəvardə rujonədə iyən İronədə Koronavirusi rəvoci şərayeti normal bey bəpeştə İroni 130 qılə şəhronədə jimon şərayetə sepi elan be.

İronədə 107 həzo 603 nəfər Koronavirusi qəteşone ki çəvonku 86 nəfəri şərayet çok be əmmo təəssufi 6640 nəfəri həm ıştə coni dastiku doeşone.