Koronavirusi barədə İron və məntəğəku oxonə xəbəon.
İronədə tojədən 2 həzo nəfər Koronavirus qətətşone iyən 134 həzo nəfəriku vey noxəşi vəziyət çok be.
Bə İroni səhiyyə vəzarətxonə oxonə raporti əsos ısət İronədə bə Koronavirusi mıbtəlo bıə kəson bə 179 həzo nəfər rəse holədəy ki de təəssufi 8291 nəfər həm mardən.
Əmmo İronədə de Koronavirusi çokə muvəffəğə mubarizəon çərçivədə İroni səhiyyə vəzir Səid Nəməki votışe: sanqsiya şərayeti jentonədə İron ısət təyeb və səhiyyə təchizaton ıştən soxtedə və qədə qədə Asiya ğərbədə bə yolə istihsoləkə kişvər əvəz bey holədəy.
Məntəğəku həm xəbə ome ki Koronavirusi rəvoc Fars dıyo həmkari şura uzv bıə kişvəron, Fələstin işğaliyə ərazi və Pakistonədə de şiddəti ziyod bey holədəy.
Tırkiyə səhiyyə vəzir həm zinə bəştə şəhrvandon notaş doe ki Koronavirusi təhdid iyən xətəri barədə ciddi bıbun.
əmmo xəbəon jıqo hikayət kardedə ki Hindıstan və İndoneziya msor Koronavirusi nəticədə həx mərasimi tətil kardəşone.
Çiniku həm xəbə ome ki ım kişvəri ticari fəaliyəton həmçınan Koronavirusi təsiron jentonədəy.