İron ıştə mudafiə ğudrəti barədə de hiç kəsi muzakirə nibəkarde.

İroni xarıci vəzarətxonə sıxənəvot İroni silah sanqsiyaon mıddəti dıroz bey barədə iddio rədış karde və votışe: İron ıştə mudafiə ğudrəti barədə de hiç kəsi zərfətış ni.

Seyed Əbbas Musəvi ım məsələ barədə Avropa kişvəron hədərə siyasətonku votışe: əmniyyət şura ğətnomə əks İroni silah sanksiyaon mıddəti dıroz karde vey bevəcə təsironış  bəbe ki Avropa və Amerkə qiədəy.

Əv təkidış karde ki İron ıştə həxiku də nibəvarde.

İroni xarıci vəzarətxonə sıxənəvot votışe: İron çı ğərbiyə kişvəron ehtımaliyə siyasət-ğəroli barədə tədbironış  heste əmmo ğərb bəpe ağılmand əməl bıkə.

Musəvi Avropaədə terroristiyə qrupon ozod fəaliyəton barədə həm votışe: boçi Avropa terroristiyə siyahiədə bıə qrupon bə i kərə ım siyahiku xaric bıən?

İroni xarıci vəzarətxonə sıxənəvot əlovış karde ki İron vey kərə ım məsələ barədə bə Avropa notaş doe.

Musəvi çı Amekə bəzi ıştaton mıstəğil bey barədə və Amerkə səçıni nəticəonış vey be əhəmiyyət zınəş nıbe əmmo təkidış karde ki Amerkədə insonə həxon vəziyətə bo İron vey muhimme.

Əv Amerkədə sistematik anti bəşər həxon vəziyəti barədə votışe: bəşər həxon iddeoəkə kişvər ki məsələn co kişvəronədə bıə insonə həxon vəziyətiku niqəranin boçi jıqo oşko çı siyohpuston həx-huğuği poymol kardedə.